Маалыматка караганда, жол коопсуздугун камсыздоо бөлүмүнүн кызматкерлери «Торугарт» өткөрмө пунктунда жүк ташуучу унаалардын айдоочулары менен жолугушуу өткөрүштү. Бул айдоочулар Кытайдан Кыргызстанга товарларды жана башка продукцияларды ташуу менен алектенишет.
Сүйлөшүү учурунда аларга аралыкты сактоонун, жолдогу жүрүм-турум эрежелеринин маанилүүлүгү, ошондой эле каршы тилкеге чыгуунун тыюу салынгандыгы эскертилип өттү. Түнкү убакта өзгөчө этият болуу зарылдыгына да көңүл бурулду.
Айдоочулардын маалыматын жогорулатуу үчүн ООБДД кытай тилинде эскертүү даярдаган.
