Бишкекте жолдорду коопсуздук менен камсыз кылуу жана коомдук транспорттун айдоочуларынын жол кыймылынын эрежелерин сактоосун камсыз кылууга арналган жыйын өттү. Мэриянын басма сөз кызматынан маалымдашкандай, жыйындын жүрүшүндө шаардагы эң жүктөлгөн аялдамаларда ар бир жумада, шейшемби, бейшемби жана жума күндөрү өткөрүлүүчү регулярдуу рейддердин жыйынтыктары талкууланды.
Ошондой эле, иш-чаранын алкагында айдоочулар үчүн жол кырсыктарын азайтуу максатында түшүндүрүү иштери жана кошумча нускама өткөрүлдү.
Талкуунун жүрүшүндө катышуучулар авариялардын негизги себептерин белгилеп, коомдук транспорттун айдоочуларынын жоопкерчилигин жогорулатууга жана жол кыймылынын эрежелерин сактоого көзөмөлдү күчөтүүгө багытталган демилгелерди сунушташты.
