М.Рыскулбеков атындагы райондук искусстволор мектебинин академиялык вокал мугалими Бермет Садырбекова айтып бергендей, 2014-жылдын 19-мартында төрөлгөн Арсен, үч жылдан бери Борбордук Азияны камтыган «Романсиада» эл аралык конкурстун катышуучусу.
2025-жылы ал «Жылкычынын ыры», «Тройка» жана «Родина» сыяктуу чыгармаларды аткарып, Гран-при жана 40 миң сомдук акчалай сыйлыкка ээ болду.
«Арсен уникалдуу үнгө жана жогорку аткаруу чеберчилигине ээ. Ошондуктан ал Москвада өткөн «Романсиада» юбилейинин 30 жылдыгына чакырылган. 2026-жылдын 1-февралында Кремлдик сарайда өткөн юбилейдик концертте ал хордун биринчи катарында турган үч аткаруучунун бири болуп, композитор М.Машкауцан тарабынан жазылган «Романсиада» вальсын аткарды», - деди Бермет Садырбекова.
Арсендин энеси Наргиза, атасы Ринат менен бирге 2026-жылдын 3-февралында Москвага келишкенин билдирди. «Менин уулум келечекте композитор болууну кыялданат. Биз анын жетишкендиктери менен абдан сыймыктанабыз», - деп белгиледи ал.
Учурда Арсен Мухтарбеков өзүнүн туулган Беловодское айылындагы В.Степаненко атындагы №2 орто мектепте 5-класста окуйт. Ал үй-бүлөдөгү үч баланын улуусу.
