Муниципалитеттин маалыматына ылайык, 5-февралда мэриянын жетекчилиги тиешелүү мекемелердин жана уюмдардын жетекчилери менен бирге Алымбек-датка көчөсүндө (муниципалдык аймактык башкаруу «Сулайман-Тоо») Мамажан көчөсүнөн баштап болушту.
Көчөнүн кеңейишине тоскоол болгон мыйзамсыз объектилерди жана курулуштарды аныктап, бузуу тапшырылды. Ошондой эле, айрым турак жайларды соода түйүндөрү катары мыйзамсыз пайдалануу фактыларын аныктап, профилдик кызматтардын күчү менен демонтаждоо иштерин жүргүзүү тапшырылды.
Мэриядан билдиришкендей, көчөнү кеңейтүү иштерине байланыштуу турак жай ээлеринин бир бөлүгү Эне-Сай жашоо массивине көчүрүлөт.
Turmushка Ош шаарынын муниципалдык менчик башкармалыгынын начальниги Жакшылык Токтогон уулу билдиргендей, Эне-Сай жашоо массивине Алымбек-датка көчөсүндөгү 32 үйдүн тургундары көчүрүлөт.
«Алымбек-датка көчөсүнөн 32 үй көчүрүлөт, алар боюнча МЧС тарабынан корутунду берилген. Бул Тешик-Таш базарынан төмөн, жардан жапыз тарапта жайгашкан Алымбек-датка көчөсүндөгү үйлөр тууралуу сөз болуп жатат. Азырынча МЧС тарабынан корутунду берилген 32 үйдү көчүрүүнү пландап жатабыз. Көчүрүү Эне-Сай жашоо массивинде үйлөр даяр болгондон кийин башталат. Учурда бузуу иштеринин башталышы болгон жок. Азыркы учурда түшүндүрүү жана эскертүү иш-чаралары өткөрүлүүдө», - деди ал.
