Курамыда турган адамдардын маалыматына ылайык, күрүч талаасында жайылып жаткан аттардын бири арыкка кулап, өз алдынча чыга албай калган. Окуянын күбөсү жаныбарды жалгыз көтөрө албаганын белгиледи.
Жергиликтүү тургундар күз-кыш мезгилинде Ак-Турпак айылдык аймагындагы күрүч талаалары мал үчүн жайыт болуп кызмат кыларын айтып беришет. Бул жакка Баткен облусунун башка райондорунан аттар жана башка жаныбарлар өткөрүлүп, көзөмөлсүз калтырылат, ал эми жазында кайра алып кетишет.
Мындай шарттарда жаныбарлар көп учурда Ош—Баткен—Раззаков унаа жолуна чыгып кетишет, бул кээде жол кырсыктарына алып келет.
Травмаланган же кулаган жаныбарлар жардамсыз калып, өлүп кетүү учурлары да болот, анткени ээлери жанында жок. Ошондой эле жаныбарларга жапайы иттердин, түлкүлөрдүн жана шакалдардын кол салуусу тууралуу маалымдалууда.
Жергиликтүү тургундар тиешелүү кызматтарды кырдаалга көңүл бурууга жана малды кармоо боюнча көзөмөлдү күчөтүүгө чакырышууда.
