Чикагода Кыргызстандын жараны Б.Б. менен болгон инцидент боюнча өлкөнүн Тышкы иштер министрлиги бир катар билдирүүлөрдү жасады:
«Министрлик кармалган адамдын туугандарымен жолугушуу өткөрдү. Ошол эле учурда, Чикагодогу Кыргызстандын башкы консулдугу менен байланыш орнотулду. Телефон аркылуу сүйлөшүү учурунда консулдук-укуктук консультация өткөрүлүп, кийинки аракеттер боюнча сунуштар берилди».
Мындан тышкары, Б.Б.нын акыркы кармалыш жери аныкталгандан кийин, башкы консулдук кызматкерлеринин консулдук жолугушуу өткөрүү үчүн чыгуу пландары бар.
«Министрлик жана Кыргызстандын чет өлкөдөгү мекемелери кырдаалды тыкыр көзөмөлдөп, туугандар менен байланышта болуп, өз ыйгарым укуктарынын чегинде зарыл болгон консулдук-укуктук жардамды көрсөтүүдө», - деп кошумчалашты ведомстводон.
