Мамбетовдун айтымында, бул калдыктарды рекультивациялоо иштерин эл аралык өнөктөштөрдүн жардамы менен, анын ичинде орус мамлекеттик корпорациясы «Росатом» менен биргеликте жүргүзүлүүдө.
Мин-Куш айылында рекультивациялоо иштеринин баары аяктаган. Мин-Куш жана Шекафтардагы долбоорлор үчүн донорлор тарабынан 28 миллион доллар бөлүнсө, Майлуу-Суу үчүн 21 миллион доллар бөлүнгөн.
Максат 2030-жылга чейин бардык калдыктар сакталуучу жайларды коопсуз абалга келтирүү, бул болсо дарыяларды булгоонун алдын алууга мүмкүндүк берет.
Мындан тышкары, Мамбетов кызматкерлерди социалдык колдоо маселесине көңүл бурду. Ал суучулдар, Гидрометеорология кызматынын кызматкерлери, орманчылар жана Мамлекеттик материалдык резервдер фондуна караштуу кызматкерлер үчүн президент тарабынан жалакыларды жогорулатуу тууралуу эскертип өттү.
«Аскер кызматкерлерине өткөн жылы кошумча төлөмдөр берилди. Мисалы, прапорщиктен жогору званиесы барлар азыр 50 миң сомдон жогору киреше алышат. Мурда 20-30 миң сом алган суучулдар, жаңы 20 миң сомдук кошумча төлөм менен 50-60 миң сомго чейин киреше алышат», — деди Азамат Мамбетов.
Ошондой эле, көлдөрдү тазалоо иштери, айрыкча Ысык-Көлдү тазалоо улантылууда. 2025-жылы суу сактагычтардан болжол менен 200 чакырым балык уулоочу торлор чыгарылган. Экологиялык жана техногендик коопсуздукту жакшыртуу боюнча иштер улантылат.
