Кочкор районунун прокуратурасынын ишинин натыйжасында жер мамилелери боюнча мыйзамдардын бузулушу аныкталып, мыйзамсыз берилген жер тилкелери муниципалдык менчикке кайтарылды. Бул тууралуу Башкы прокуратуранын өкүлдөрү билдиришти.
Көзөмөл органынын маалыматы боюнча, текшерүү процессинде 2012-жылы Ормон-Хан айыл өкмөтүнүн аймагында 0,40 га аянттагы жер тилкелери мыйзамсыз жеке менчикке өткөрүлгөнү аныкталган.
Прокуратура тарабынан көрүлгөн чаралардын натыйжасында, 7 миллион 200 миң сомго бааланган бул тилкелер муниципалдык менчикке кайтарылды.
