Ведомствонун маалыматына ылайык, мамлекеттик архитектуралык-курулуш контролунун департаменти Кыргызстан боюнча курулуш объектилерин туруктуу мониторинг жүргүзүп жатат.
Текшерүү учурунда Суванбердиева көчөсүндө, 33-үйдө, соода жайлары жана жер алдындагы авто токтотуучу жайы менен көп кабаттуу турак үйдү курууда «СК Эверест Групп» компаниясынын уруксат документтери жок экени аныкталды. Бул боюнча мыйзам бузууларды жоюу үчүн компанияга керектүү документтерди берүү милдети жүктөлгөн акт түзүлдү. Мындан тышкары, компанияга 200 миң сом өлчөмүндө айып пул салынды», — деп айтылат расмий билдирүүдө.
Курулуш компаниясы Бишкек шаардык мамлекеттик архитектуралык-курулуш контролуна макулдашылган долбоорду жана мамлекеттик экспертизанын оң корутундусун берген эмес.
Керектүү уруксат документтеринин жоктугуна карабастан, компания колонналарды орнотуу жана диафрагманы түзүү сыяктуу курулуш-монтаждоо иштерин уланта берди. Бул аракеттер шаар куруу жана архитектура боюнча мыйзамды бузуу катары бааланууда.
Иштин материалдары Октябрь райондук сотуна өткөрүлдү.
