«Эгер айдоочу, мисалы, Ивановка же Кара-Балтадан Бишкекке келсе, ал унаасын базарда же шаар борборунда калтырат. Бизге ал унаасын эски автобекеттердин аймагында токтотуп, андан кийин шаар ичинде коомдук транспорт менен жүрүүгө мүмкүнчүлүк түзүү керек», — деп билдиришти кеңештин катышуучулары.
Башкы шаар мэри Айбек Джунушалиев муниципалитеттин ишинин негизги максаты ыңгайлуу шаардык чөйрөнү түзүү экенин белгиледи. Бул стратегиянын алкагында жөө адамдар үчүн шарттарды жакшыртуу жана коомдук транспортту колдонгондордун санын көбөйтүү пландалууда.
