18-февралда Бишкек шаардык мэриясында Шанхай кызматташтык уюмуна катышкан өлкөлөрдүн I жаштар Дельфий оюндарына даярдык боюнча уюштуруу комитетинин жыйыны өттү. Иш-чарага шаар мэри Айбек Джунушалиев жана Эл аралык Дельфий комитетинин директору Владимир Понявин катышты.
Жыйында оюндарга даярдык, уюштуруу маселелери жана башка катышуучу мамлекеттер менен кызматташтык тууралуу маселелер талкууланды.
Уюштуруу штабы алдын ала бекитилген планга ылайык иш алып барууда, анын алкагында катышуучу өлкөлөрдөн командалар түзүлүүдө. Учурда оргкомитет тарабынан ушул командаларды акыркы жолу бекитүү процедурасы жүргүзүлүүдө.
Мурда өткөрүлгөн тандоо турларынын жыйынтыгы боюнча Кыргыз Республикасынын жана Бишкек шаарынын курама командаларына кирген катышуучулар аныкталды.
Жыйынды жыйынтыктоо боюнча келечектеги оюндар үчүн жогорку деңгээлде уюштуруу даярдыгын камсыздоо тапшырмасы коюлду, алар 2026-жылдын 23-28-мартында Бишкекте өткөрүлөт.
