Иш-чаранын жүрүшүндө милиция кызматкерлеринин ата-энелери медалдар менен сыйланды.
Ведомствонун маалыматы боюнча, иш-чара райондук ички иштер бөлүмүнүн жетекчилиги менен милиция кызматкеринин аялдары тарабынан уюштурулган.
«Бул жолу Ата Мекенди коргоочулардын күнүнө арналган иш-чарада милициянын ардагерлери жана укук коргоо органдарынын кызматкерлеринин ата-энелерине сыйлыктар берилди. Милициянын ардагерлери Кабакбек Кулов «Кыргыз милициясынын 100 жылдыгы» юбилейдик медалы менен, Мир Бейшегулов «Кадырман ата» медалы менен, ал эми Тамара Бейшегулова жана Анаркүл Абдыракманова «Кадырман эне» медалы менен сыйланышты.
Иш-чаранын аягында спорттук оюндар улантылды: ардагерлердин катышуусунда милиция кызматкерлеринин арасында волейбол боюнча турнир өткөрүлдү, ошондой эле ыйык Рамазан айына арналган майрамдык түшкү тамак уюштурулду», - деп айтылат билдирүүдө.
