Облустук милициянын басма сөз кызматы тарабынан берилген маалыматка ылайык, 2025-жылы Баткен облустук ички иштер башкармалыгында коомдук тартипти сактоодо жана кылмыштуулукка каршы күрөшүүдө жогорку профессионалдык чеберчилигин көрсөткөн, ошондой эле милдеттерин жоопкерчилик менен аткарган кызматкерлер белгиленди. Мындан тышкары, коомдук жашоодо активдүү катышкан ардагерлер кеңешинин өкүлдөрүнө сыйлыктар тапшырылды.
«Эң мыкты кесиптеш» жана «Эң мыкты ардагерлер кеңеши» конкурстарынын лауреаттары дипломдор, сыйлык ленталары жана желектер алышты.
«Эң мыкты ардагерлер кеңеши» категориясында төмөнкү адамдар белгиленди:
Биринчи орунду Кызыл-Кий ички иштер бөлүмүнүн ардагерлер кеңешинин төрагасы, отставкадагы милициянын подполковниги Турдубаев Абдимиталип Абдразакович ээледи.
Экинчи орунду Баткен райондук ички иштер бөлүмүнүн ардагерлер кеңешинин төрагасы, отставкадагы милициянын прапорщики Амиракулов Кубанычбек Аликанович алды.
Үчүнчү орунду Лейлек райондук ички иштер бөлүмүнүн ардагерлер кеңешинин төрагасы, отставкадагы милициянын майору Рустамов Бактыбек Сатарович ээледи.
Ички иштер министринин орун басары, Баткен облустук ички иштер башкармалыгынын начальниги полковник Улан Жукенов Баткен районунун ички иштер органдарынын ардагерлери Абдуллаев Абдумалик Исмаилович жана Акматов Аппазхан Жалалхановичти 60 жылдык юбилейи менен куттуктады. Тантаналык иш-чаранын жүрүшүндө аларга ак калпактар, куттуктоо каттары жана Ички иштер министрлигинен сыйлыктар тапшырылды.
