Транспорт жана коммуникациялар министри Талантбек Солтобаев 21-февралда Иссык-Куль облусуна жумушчу сапар менен келди. Бул тууралуу Кыргыз Республикасынын Транспорт жана коммуникациялар министрлигинин басма сөз кызматы маалымдады.
Сапарынын алкагында министр Балыкчы — Боконбаево — Каракол автожолунун реконструкциялоо процессин текшерип, 87ден 140 кмге чейинки участкаларга жана көпүрө курулуштарына көңүл бурду.
Мындан тышкары, Талантбек Солтобаев Чолпон-Атадагы айланма жолдун курулуш аянтчасына барып, учурда жолдун кеңейтүү иштери улантылып жатканын көрдү.
Инспекциянын жыйынтыгы боюнча министр курулуш иштеринин темпин жогорулатуу жана алардын сапаттуу жана убагында аякташын камсыз кылуу боюнча көрсөтмө берди.
