Маалыматка ылайык, долбоорду «Кыргыз курулуш» мамлекеттик ишканасы жүргүзүүдө, ал Курулуш министрлигинин карамагында. Азыркы учурда долбоорлоо иштеринин жүргүзүлүп жатканы жана келечектеги билим берүү мекемелери үчүн казуулар жүргүзүлүүдө.
Жаңы мектептердин тизмеси:
1. Ош шаары, Жапалак айылдык аймагы, Конур-Жаз көчөсү, №3. Бул жерде С. Алымкулов атындагы №33 орто мектеп үчүн 336 орунга ылайыкташкан жана 3 кабаттан турган кошумча окуу корпусу курулат.
2. Ош шаары, Курманжан Датка муниципалдык аймактык башкармалыгы, Н. Исанов көчөсү, №27а/1. Ж. Боконбаев атындагы мектептин аймагында 750 орунга ылайыкташкан, ошондой эле 3 кабаттан турган жаңы корпус курулат.
3. Ош шаары, Курманжан Датка МТУ, Ташкент көчөсү, №50. Бул жерде №2 Салижан Жигитов атындагы мектептин ордуна жаңы мектеп курулат. Ал 1000 орунга ылайыкташып, 4 кабаттан турат.
4. Ош шаары, Сулайман-Тоо МТУ, Курманжан Датка көчөсү, №97. Бул аймакта М. В. Ломоносов атындагы №3 орто мектептин эски имаратынын ордуна 700 орунга ылайыкташкан жана 4 кабаттан турган мектеп курулат.
5. Ош шаары, Төлөйкөн айылдык аймагы, Ак-Буура 2 турак массиви (40 га), 10-кадам, №26. Жаңы билим берүү мекемеси бөлүнгөн жер участкасында курулат, 800 орунга ылайыкташкан жана 3 кабаттан турат.
6. Ош шаары, Кызыл-Кыштак айылдык аймагы, Ишкаван айылында. Бул жерде да бөлүнгөн жер участкасында 700 орунга ылайыкташкан жана 3 кабаттан турган мектеп курулат.
7. Ош шаары, Кызыл-Кыштак айылдык аймагы, Сары-Зоо участогу, 2-кадам, №20к. Бул билим берүү мекемеси бөлүнгөн участакта курулат, 528 орунга ылайыкташкан жана 3 кабаттан турат.
8. Ош шаары, Манас-Ата МТУ, У. Салиева көчөсү. Барпы Алыкулов атындагы №38 орто мектептин аймагында 1000 орунга ылайыкташкан, 4 кабаттан турган жаңы окуу корпусу курулат.
9. Ош шаары, Кызыл-Кыштак айылдык аймагы, Эне-Сай жаңы турак массиви. Бул жерде бөлүнгөн жер участкасында 1200 орунга ылайыкташкан жана 3 кабаттан турган мектеп курулат.
10. Ош шаары, Кызыл-Кыштак айылдык аймагы, Сүрөттүү-Таш айылында, Х. Хабибуллина көчөсү, №2. Бул участакта 500 орунга ылайыкташкан мектеп курулат.
