Ош шаарында бүгүн Литванын ардактуу консулдугунун расмий ачылышы болуп өттү, анын жүрүшүндө Кыргыз Республикасынын Ош облусундагы ыйгарым укуктуу өкүлү Аманкан Кенжебаев жана Литванын башкы консула Шаруне Кубилюте менен жолугушуу болду.
Ыйгарым укуктуу өкүлдүктүн маалыматы боюнча, катышуучулар Кыргызстан менен Литва ортосундагы эки тараптуу кызматташтыктын учурдагы абалы жана келечектеги мүмкүнчүлүктөрүн талкуулашты, ошондой эле региондор ортосундагы өз ара аракеттенүүнү өнүктүрүү маселелерин көтөрүштү.
Аманкан Кенжебаев ардактуу консулдуктун Ошто ачылышы эки мамлекеттин ортосундагы достук байланыштарды бекемдөө үчүн маанилүү кадам экенин белгиледи. Ал ошондой эле М.А. Орумбаевди Литванын ардактуу консула дайындалганы менен куттуктады.
Литва тарап Ош облусунда инвестициялык мүмкүнчүлүктөр тууралуу маалымат алды, өзгөчө агрардык сектордун потенциалына жана экологиялык таза айыл чарба продукциясын өндүрүүгө басым жасалды.
Ошондой эле тараптар төмөнкү тармактарда кызматташтыкты арттырууга кызыктар экенин билдиришти:
- соода-экономикалык мамилелерди өнүктүрүү жана инвестицияларды тартуу;
- айыл чарба продукцияларын кайра иштетүү;
- туризм;
- маданий жана билим берүү байланыштары.
