Бул ишкана курулуш кирпичин жана газоблокторду өндүрүүгө багытталган. Долбоордун алкагында күйгүзүлгөн кирпич жана газобетон блокторду өндүрүү пландаштырылууда, күнүнө 200 миң кирпичке чейин өндүрүү кубаттуулугу менен. Жалпы инвестициялардын көлөмү 10,5 миллион АКШ долларынан ашат.
2025-жылдын 4-августунда кол коюлган жер тилкеси боюнча ижара келишимине ылайык, компания заводдун иши башталгандан кийин Кара-Суй районунун Ынтымак айыл өкмөтүнө бюджетке ыктыярдуу төлөмдөрдү жүргүзөт. Биринчи жылы 35 миллион сом, андан кийинки жылдарда жыл сайын 5 миллион сом которуу пландалууда. Бул каражаттар социалдык инфраструктураны жакшыртууга жана жергиликтүү калкты колдоого жумшалат.
Бул долбоорду ишке ашыруу жаңы жумуш орундарын түзүп гана тим болбостон, салык түшүүлөрүнүн көбөйүшүнө да алып келет. Мындан тышкары, заводдун ишке кириши региондогу курулуш секторунун өнүгүшүнө жана Ош облусунда инвестициялык активдүүлүктүн жанданишине көмөктөшөт.
