Мониторинг учурунда Кыргызстандык жарандарды Түркияда жумушка алуу менен алектенген бир катар компаниялар жалган маалыматтарды бергендиги аныкталды.
Тактап айтканда, өлкөдөн тышкаркы жумушка орноштуруу үчүн уруксат документтерин тапшырууда, ыйгарым укуктуу органдарга жалган маалымат менен даярдалган кагаздар берилген. Алар Түркиядагы жумуш берүүчүлөр же делдалдык уюмдар менен чыныгы кызматташтык тууралуу маалыматтарды камтыган эмес.
Аныкталган мыйзам бузуулар натыйжасында төмөнкү компаниялардын иши токтотулду:
- ОсОО «Голден ворк & тревел»;
- ОсОО «Айрис Тревел»;
- ОсОО «Рамай-Саякат»;
- ОсОО «Аска-Трэвел».
Уруксаттардын күчү бардык аныкталган мыйзам бузуулар толук жоюлгандан кийин гана калыбына келтирилет.
Чет өлкөдө жарандарды жумушка орноштуруу борбору жалган маалымат берүү жана тышкы жумушчу миграция тармагындагы мыйзамдарды бузуу жоопкерчиликке, анын ичинде уруксаттарды токтотуу же жокко чыгарууга алып келиши мүмкүн экенин баса белгилейт.
