«Элден Собол» программасынын түз эфиринде «Кабар» агенттигинде Мамлекеттик ипотекалык компаниясынын (МИК) калк менен иштөө башкармалыгынын жетекчиси Гульзат Тотубаева, «Мурас» турак жай комплексинде кезекте турган жарандар үчүн бир чарчы метрдин баасы 78 705 сомду түзөрүн билдирди.
Ал МИК эки схемада турак жай сунуштаарын тактады. Алардын бири – кийин сатып алуу мүмкүнчүлүгү менен ижара. Бул учурда жаран кезекке турат жана кезеги келгенде 25 жылга 4% же 8% жылдык үстөк менен ипотекалык турак жай алат, баштапкы төлөмдү төлөөнүн кереги жок.
Тотубаеванын айтымында, эгерде кезектеги бирөө «Мурас» ЖКда 40 чарчы метрлик бир бөлмөлүү батир сатып алууну чечсе, жалпы баасы 78 705 сомду эске алганда, 3 миллион 100 миң сомдун тегерегинде болот. Ошол эле учурда, 25 жылга 4% жылдык үстөк менен төлөмдү караганда, ай сайынгы төлөм болжол менен 16 миң сомду түзөт.
Мындан тышкары, ал мурда 650 доллардан бир чарчы метр баада турак жай сатып алган адамдар үчүн баа мурдагыдай эле калаарын жана аны кайра карап чыгуу пландалбай турганын белгиледи.
