Президенттин айтымында, ипотекалык компаниянын негизги максаты өлкөнүн турак жай фондун көбөйтүү.
«Мурда бардык каражаттар мамлекеттик бюджеттен гана келип түшчү. Азыркы учурда компаниянын капиталы мамлекеттик финансирование жана алынган кирешелердин эсебинен түзүлүп, 87 миллиард сомду түзөт. Бул жылы биз ГИК үчүн акыркы жолу $500 миллион бөлөбүз, келерки жылдан баштап бюджеттен финансирование токтотулат», - деди ал.
Президент ошондой эле компаниянын уставдык капиталын 200 миллиард сомго чейин көбөйтүү пландары жөнүндө билдирди.
«200 миллиард сомдук уставдык капиталы менен мамлекеттик компания бардык жарандарды — жаш үй-бүлөлөрдөн баштап кары адамдарга чейин — 5-10 жыл эмес, 50-100 жылга чейин турак жай менен камсыздай алат. Бул толугу менен мамлекеттик ишкана болгондуктан, бардык киреше мамлекеттик бюджетке, тактап айтканда, компаниянын эсептерине кайтарылат. Ипотекалык компаниянын капиталы канчалык чоң болсо, биздин жарандар турак жайга жетүүнү ошончолук тез ала алышат», - деп жыйынтыктады Садыр Жапаров.
