Иш-чарага Октябрь райондук администрациясынын өкүлдөрү, муниципалдык инспекция, ошондой эле Октябрь РУВД жана МТУ №403 кызматкерлери катышты. Текшерүүлөр Орто-Сай базарында өткөрүлдү.
Мэриянын маалыматына ылайык, рейд учурунда сатууга чыккан адамдарга негизги азык-түлүктөрдүн бааларын мамлекеттик жөнгө салуу боюнча эрежелер эскертилип, сөөккө салынган уй этинин максималдуу бөлшек баасы килограммына 680 сомдон ашпашы керек экендиги айтылды.
Эскертүү керек, рейддер 2025-жылдын 14-августунда Кыргыз Республикасынын Экономика министрлигинин Антимонополь жөнгө салуу кызматы тарабынан чыгарылган №01-12/08 буйругуна ылайык өткөрүлүүдө. 2025-жылдын августунан 2026-жылдын январь айына чейин Октябрь районунда 226 рейддик иш-чара өткөрүлгөн, баалардын көзөмөлү күн сайын жүргүзүлөт.
