22-январда Сузак районунда «АгроЗооВет-2026» долбоорунун алкагында окутуучу семинар өттү. Кыргыз Республикасынын Су ресурстары, айыл чарба жана кайра иштетүү өнөр жайы министрлиги билдиргендей, иш-чарада ветеринария жана мал чарба тармагын өнүктүрүүгө, ошондой эле азык базасын жакшыртуу жана мамлекеттик колдоо маселелерине байланыштуу материалдар сунушталды.
Семинардын негизги максаты фермерлердин жана агрардык адистердин квалификациясын жогорулатуу, заманбап агротехнологиялар менен таанышуу жана айыл чарба тармагындагы актуалдуу маселелерди талкуулоо болду.
