2024-жылы бюджеттин суммасы 74 миллион сом болсо, 2025-жылы ал 89 миллион сомго өстү.
Бул маселени талкуулаган жыйында 15 депутат, мэр Раджу Норузбаев, мэриянын кызматкерлери жана жергиликтүү мекемелердин жетекчилери катышты.
Күн тартибинин негизги пункту 2026-жылга карата бюджетти бекитүү болду. Талкуулоолордун натыйжасында депутаттар 140 миллион сомдон ашкан рекорддук бюджетти макулдашты, ал келерки жылга пландаштырылган маанилүү долбоорлорду камтыйт.
Бюджеттин алкагында депутаттардын жана туруктуу комиссиянын сунушу боюнча шаардык инфраструктураны жакшыртууга жана жарандардын жашоо деңгээлин көтөрүүгө багытталган приоритеттүү инициативалар каралган.
Пландалган иш-чаралардын арасында: борбордук шаардык паркты түзүү, коммуналдык муктаждыктар үчүн атайын техникаларды сатып алуу, суу жана канализация системаларын модернизациялоо жана оңдоо, балдар үчүн оюн аянтчаларын жана воркаут зонасын орнотуу, ошондой эле жолдорду оңдоо жана скверлерди көрктөндүрүү, таштанды контейнерлерин жаңылоону камтыйт.
Жыйналыштын жыйынтыгы боюнча мэрияга бекитилген каражаттарды максаттуу, эффективдүү жана убагында пайдаланууну камсыз кылуу, ошондой эле бардык пландаштырылган инициативаларды сапаттуу ишке ашыруу үчүн чараларды көрүү тапшырылды.
