Мухтар Шербаев Нарын облусунун Ат-Башы районунун жаңы акими болуп дайындалды. Бул маалымат президенттин басма сөз кызматы тарабынан жарыяланды.
Эскерте кетсек, Нарын облусунун медициналык кызматкерлер менен болгон жолугушууда ГКНБнын жетекчиси Камчыбек Ташиев аймактын өкүлү Нурбек Сатаровго аким дайындоодо кечигүүнүн себептерин түшүндүрүүнү талап кылып, район башкаруусуз калбашы керектигин белгилеген.
Облус администрациясынан алынган маалыматка ылайык, 21-январда мурда аким болуп иштеген Эмилбек Абдыкалыков башка жумушка өткөндөн кийин Ат-Башы жетекчисиз калган.
Мухтар Шербаев буга чейин Жалал-Абад облусунун Ала-Бука районунун биринчи вице-акими болуп иштеген.
