Анын айтымында, акыркы жылдары көптөгөн жаш адистер Германия жана Улуу Британия сыяктуу өлкөлөргө айыл чарба тармагында иштеп табыш үчүн кетип жатышат.
«Алардын кээ бирлери кайтып келсе, кээ бирлери биринчи сапардан кийин чет өлкөдө калып жатышат. Бизге мекендештерден агрардык секторду өнүктүрүү үчүн чет өлкөдө алган тажрыйбасын колдонгусу келгендерден кайрылуулар келип жатат. Алар өкмөттөн жерди ижарага алуу жана жабдууларды сатып алуу үчүн пайызсыз кредиттер берүү сыяктуу колдоо чараларын камсыздоону суранышууда. Алардын өлкөдө калуусун камсыздоо жана жаңы жумуш орундарын түзүү үчүн ушундай программа иштеп чыгуу маанилүү», — деди Салтанат Аманова.
