Учурдагы нормаларга ылайык, 2025-жылдын 1-сентябрынан баштап Кыргызстандын жарандары Казакстандын аймагында (жана тескерисинче) алты ай ичинде 90 күндөн ашык болбошу керек.
Маанилүү жагдай, күндөрдүн эсептелиши чек араны кесип өткөндө нөлдөлбөйт, тескерисинче, жыйналат. "Нөлдөө" үчүн жарандар өлкөдөн үч айдан кем эмес убакытка чыгып турушу керек.
Ахмедова мындай чектөөлөр чек арадагы соода менен алектенгендерге жана коңшу өлкөлөр менен бизнес байланыштарын сактоого чоң кыйынчылыктарды жаратарын белгиледи.
Жогоруда айтылгандарга байланыштуу депутат өкмөттөн бул эрежелерди кайра карап чыгуу өтүнүчү менен кайрылды.
