Жогорку Кенештин төрагасы Марлен Маматалиев Кыргызстан Евросоюздун соода жана стратегиялык өнөктөштүк боюнча таасирине баш ийүүгө ниеттенбестигин билдирди. Анын айтымында, өлкө ири геосаясий оюнчулардан көрсөтмөлөрдү кабыл алууга даяр эмес.
Ал Россия менен стратегиялык өнөктөштүк приоритет болуп кала берээрин, санкциянын мүмкүн болгон тобокелдиктерине карабастан, баса белгиледи.
«Биринчи кезекте, биз көз карандысыз мамлекетпиз жана эч кимге көз каранды эмеспиз. Эч кандай коркутуулар же басым чаралары бизди токтотпойт. Биздин улуттук кызыкчылыктарымыз жана республикабыздын өнүгүү боюнча так стратегиябыз бар. Биз тандаган жол менен жүрө беребиз», — деди Маматалиев.
Анын айтымында, Кыргызстан эл аралык коомчулуктун жооптуу катышуучусу катары жүрүм-турум кылууда.
«Биз эл аралык мыйзамдарды сактайбыз жана БУУнун Уставына ылайык иш алып барабыз. Биз эл аралык нормаларды карманабыз, бизди бир нерсеге айыптоо туура болбойт», — деп кошумчалады Жогорку Кенештин спикери.
Мындан тышкары, ал Россия менен мамилелердеги парламенттик дипломатиянын ролу өсүп жатканын, бул президент Садыр Жапаров тарабынан белгиленген тышкы саясат курсуна жооп берерин белгиледи.
