Жолугушуунун алкагында Кыргызстан менен Кореянын ортосундагы эки тараптуу кызматташтыктын учурдагы аспекттери жана келечектеги багыттары талкууланды. Айыл чарба жана суу ресурстарын башкаруу маселелерине чоң көңүл бурулду.
Тараптар ошондой эле бул жылы өтүүчү эл аралык жогорку деңгээлдеги иш-чаранын алкагында карала турган эки тараптуу документтерди даярдоону талкуулашты. Переговорлордун жүрүшүндө суу ресурстары министрлиги менен корея тараптын ортосундагы кызматташтык төрт негизги багытта активдүү өнүгүп жаткандыгы белгиленди: мал чарба, үрөн өндүрүү, азык-түлүк коопсуздугу жана суу ресурстарын башкаруу. Жаңы биргелешкен долбоорлорду ишке ашыруунун келечектери талкууланды.
Кыргызстандагы Кореянын эл аралык кызматташтык агенттигинин (KOICA) башчысы Лим Со Ён жана Кореянын эл аралык айыл чарба программасынын борборунун (KOPIA) директору Кванг Сог Чу да талкууга катышты. Алар көптөгөн долбоорлордун ийгиликтүү ишке ашырылышы жана учурдагы демилгелер боюнча кызматташтык үчүн ыраазычылык билдиришти, ошондой эле тыгыз өз ара аракеттенүүнү улантууга ниеттеништи.
Жолугушуунун соңунда Эрлист Акунбеков жана элчи Ким Квангдже конструктивдүү кызматташтыкты улантуу жана өз ара пайдалуу өнөктөштүктү тереңдетүү боюнча макулдашышты.
