Түндүк Кореянын лидери Ким Чен Ын 13 жаштагы кызы Ким Чжу Эни өлкөнүн ядролук күчтөрүнүн куратору кылып дайындоо чечимин кабыл алды. Бул тууралуу Meduza түштүк кореялык The Chosun Daily гезитине шилтеме берип билдирет.
Жаңы милдеттеринин алкагында Ким Чжу Э, башка иштер менен катар, быйыл февралда өткөн Эмгек партиясынын съездине катышкан.
Жарияланган маалыматтарда Ким Чжу Энин расмий кызмат орду так көрсөтүлбөсө да, айрым булактар аны «ракеталар боюнча башкы директор» катары сүрөттөп, генералдардан отчетторду алып, аларга буйрук берүүгө укуктуу экенин белгилешет.
Ошондой эле, The Chosun Daily 13 жаштагы кыздын атасын расмий иш-чараларда, анын ичинде сынак полигондорун зыярат кылууда көп жолу коштоп жүргөнүн көрсөтүп турат. Түштүк кореялык коопсуздук кызматтарынын адистери анын Ким Чен Ындын мураскери ролуна даярдалып жатканын болжолдошот.
Ким Чен Ындын үй-бүлөсү тууралуу маалыматтардын түндүк кореялык бийликтер тарабынан катуу көзөмөлгө алынып жатканын белгилөө керек. Ким Чен Ында 2010-жылы төрөлгөн Ким Чжу Энин улуу агасы Ким Чен Чжу менен кошо дагы эки уулу бар экендиги белгилүү.
