Алтынбек Рысбековдун маалыматы боюнча, өлкөдө жыл сайын электр энергиясынын өндүрүшү 14,5 миллиард киловатт-саатты түзөт.
«Электр энергиясынын жетишсиздиги 4,5 миллиард киловатт-саатка жетет. Өткөн жылы биз аны импорт аркылуу жаптык, коңшу мамлекеттерден 4,3 миллиард киловатт-саат алдык. Ошол эле учурда, калк үчүн электр энергиясы социалдык тарифтер боюнча сатылат, ал эми баалардын айырмасы НЭСКтин мойнуна жүктөлөт. Электр энергиясын импорттоо быйыл да уланат», — деп кошумчалады ал.
Министрдин орун басары жаңылануучу энергия булактарын өнүктүрүүнүн жетишсиздик маселесин чечүүдөгү маанилүүлүгүн белгиледи. «Биз инвесторлорду тартуу үчүн ыңгайлуу шарттарды түзүүгө умтулабыз. Учурда көптөгөн каалоочулар бар. Жел жана күн электр станцияларын куруу эки жылга чейин созулушу мүмкүн, бул энергия өндүрүшүн тез баштоого мүмкүндүк берет. Ошондуктан ВИЭни өнүктүрүү биздин приоритетибиз болуп калат», — деп белгиледи Рысбеков.
