Бүгүн Кыргыз Республикасынын Сочидеги Генералдык консулдугун ачууга арналган жыйын өткөрүлдү. Ага КРнын тышкы иштер министринин орун басары Алмаз Имангазиев жана Оштогу Россия Федерациясынын генконсу Роман Свистин катышты.
МИДдин маалымат кызматы билдиргендей, жыйын учурунда дипломаттар Кыргызстан менен Россиянын консулдук мамилелерине байланыштуу кеңири маселелерди талкуулашты.
Ошондой эле, эки өлкөнүн компетенттүү органдарынын ортосундагы кызматташтык аспектилери, жарандардын укуктарын жана мыйзамдуу кызыкчылыктарын коргоого багытталган маселелер да талкууланды.
Жыйынды протоколдук бөлүгүндө Роман Свистин Алмаз Имангазиевге консулдук патенттин оригиналын тапшырды.
Жыйындын соңунда тараптар өнөктөштүктү тереңдетүүнүн маанилүүлүгүн белгилешти жана консулдук чөйрөдө өз ара аракеттенүүнү активдүү өнүктүрүүгө даярдыктарын билдиришти.
