Бишкектин Октябрь районунун Ички иштер башкармалыгы берген маалыматка ылайык, курулуш компаниясы ОСОО "Арабиан Кыргыз Аль Хнейз"нын директору алдамчылыкка шектелип кармалды. Ал жаңы курулуштагы батирди сатам деп 18 миң доллар алган, бирок убадаларын аткарбай, байланышканды токтоткон.
Милицияга О.А. аттуу жаран арыз жазып, 2022-жылдын 13-октябрында Кок-Жар конушундагы батир үчүн акча өткөргөнүн, бирок компаниянын директору өз милдеттерин аткарбаганын билдирген.
Бул жагдай боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголду.
Оперативдүү-издөө иш-чараларынын жүрүшүндө полиция кызматкерлери шектүүнүн жеке башын аныктап, 1966-жылы туулган Х.Р.ны кармап, убактылуу кармоо жайына жайгаштырышты.
Учурда кармалган адамдын башка окшош кылмыштарга катыштыгы боюнча текшерүү жүргүзүлүүдө.
