Берилген маалыматка ылайык, 2023-жылдын 6-февралына караган түнү, саат 00:30 чамасында, өспүрүмдөрдүн арасында таш ыргытуу менен болгон мушташ тууралуу билдирүү түшкөн.
Окуя болгон жерге дароо Манас Ички иштер бөлүмүнүн тергөө-оперативдик тобу жөнөп кетип, керектүү видео далилдерди чогултту.
Чогултулган материалдардын негизинде тергөө кызматы бул инцидентти Кыргыз Республикасынын Кылмыш кодексинин 280-беренеси боюнча «Хулигандык» катары Бирдиктүү кылмыштар реестрине каттады жана кылмыш иши ачылды.
Оперативдүү-издөө иш-чараларынын жүрүшүндө Ички иштер бөлүмүнүн кызматкерлери мушташка катышкан адамдардын жеке башын аныктап, аларды суракка алып келишти. Кармалган өспүрүмдөрдүн бири учурда ооруканада дарыланууда.
Жалал-Абад облусунун Ички иштер башкармалыгы бул окуяны көзөмөлгө алды жана тергөө иштери улантылууда.
