Ал ошондой эле Бишкек шаардык сотуна кайрылганын, анда жоопкер күнөөлүү деп табылып, ага пробациялык көзөмөл дайындалганын, үч унаанын акчасын бир жылдын ичинде төлөөгө милдеттендирилгенин белгиледи.
Анткен менен, жоопкер Жогорку сотко пробация чечимин жокко чыгаруу жана Ленин райондук сотунун чечимин күчүндө калтырууну өтүнүп арыз берген.
“Жогорку сотто угуу эки жолу жылдырылды, жана биздин адвокатка бул тууралуу кабар берилген жок. Биз соттук системага болгон ишеними жоготуп жатабыз жана анын калыс эместигин шектенебиз. Ошондуктан, мен сизге, урматтуу төрага, кайрылам. Биздин президент сот системасында реформаларды жүргүзүп, сизди бул кызматка дайындады. Мен сизден менин ишимди адилеттүүлүк жана калыстык менен карап чыгууну суранам. Азыр мен Европада иштеп жатам, балдарымды жана ата-энемди таштап. Мен бул унааларды сатып алуу үчүн карызга баттым. Эми карыздарымды төлөө үчүн чет өлкөдө иштешиме туура келүүдө", - деп өзүнүн окуясын жыйынтыктады Уланбек.
