Тергөөнчүлөрдүн маалыматы боюнча, айрым авто мектептердин жетекчилери кабыл алуу учурунда өлкөдөн сыртта болгон жарандарды алыстан каттоо системасын иштеп чыгышкан. Натыйжада, теориялык жана практикалык сабактар өткөрүлгөн жок, бирок курсту ийгиликтүү аяктагандыгын тастыктаган документтер түзүлгөн.
Ошентип, жол кыймылынын эрежелери жана айдоо жөндөмдөрү тууралуу керектүү билимге ээ болбогон адамдар өлкөгө кайтып келип, курсту аяктагандыгы тууралуу күбөлүктөрдү алышып, коррупцияланган кызматкерлердин жардамы менен экзамендерди ийгиликтүү тапшырып, айдоочулук күбөлүктөрдү алышкан.
Кылмыш иши боюнча санкцияланган тинтүү жүргүзүлүп, чет өлкөдө болгон курсанттарды мыйзамсыз кабыл алуунун туруктуулугун тастыктаган документтер алынган.
Учурда бул схемага катышкан башка адамдарды аныктоо жана мыйзамсыз жол менен алынган айдоочулук күбөлүктөрдү жокко чыгаруу боюнча оперативдик тергөө иштери улантылууда.
