Ош облусунун ички иштер башкармалыгы тарабынан берилген маалыматка ылайык, экстремизмге жана мыйзамсыз миграцияга каршы күрөшүү кызматынын кызматкерлери оперативдик иш-чараларды өткөрүшүп, натыйжада социалдык тармактар аркылуу тыюу салынган экстремисттик материалдарды таратууга катышкан жарандарды кармашкан.
Экспертиза кармалгандардын социалдык тармактарда экстремисттик жана террордук топторго байланыштуу материалдарды жайгаштырып, таратып жатканын тастыктады.
Жыйналган далилдер жана экспертизанын жыйынтыктарынын негизинде 332-беренеге («Экстремисттик материалдарды даярдоо жана таратуу») ылайык кылмыш иши козголуп, тергөө иштери башталды.
Оперативдүү-издөө иш-чараларынын жүрүшүндө эки адам кармалды: 1994-жылы туулган Д.Г. жана 1999-жылы туулган Ю.Б. Сот алардын камакка алынуусу тууралуу чечим кабыл алды.
Учурда бул кылмышка катышкан башка адамдарды аныктоо үчүн кошумча тергөө иштери жүргүзүлүүдө.
