Ведомстводон берилген маалыматка ылайык, жергиликтүү милициянын «Сулайман-Тоо» өспүрүмдөр боюнча инспекциясынын кызматкерлери 19 жаштагы М. Б. аттуу жаранды кармашкан, ал физикалык күч колдонуп, өспүрүмдөрдөн тоноо иштерин жүргүзгөн деп айтылууда.
Тергөөнүн жыйынтыгы боюнча, шектүү быйылкы жылдын 9-февралында шаардагы мектептердин биринин жанында 12 жаштагы Т. Д. аттуу 8-класстын окуучусуна кол салып, коркутуп, «iPhone» үлгүсүндөгү мобилдик телефонун алып кеткен. Андан кийин ал жабырлануучунун дарегин билип, акча талап кыла баштаган.
М. Б. кармалган учурда ал жабырлануучудан 2000 сом алып жаткан. Анын колунан акча жана бычак алынган.
10-февралда шектүү Ош шаарынын убактылуу кармоо жайына киргизилди. Ал буга чейин төрт кылмыш иши боюнча жоопкерчиликке тартылганы маалым.
Учурда бул иш боюнча материалдарды топтоо улантылууда жана тергөө иш-чаралары жүргүзүлүүдө.
Шаардык милициянын «Сулайман-Тоо» бөлүмү бул жарандан жабыркаган бардык адамдарды 03222 6-27-57, 0551 50-71-50 телефон номерлери боюнча кайрылууга чакырат.
