Милициянын маалыматына ылайык, окуя 2026-жылдын 9-февралында, саат 22:30 чамасында "Тынчтык" турак жай массивинде болгон. Белгисиз адам, хулигандык ниет менен, Honda Odyssey маркасындагы унаанын капталдык айнектерин талкалап, зыян келтирген. Конфликттин натыйжасында ал унаанын ээси Н. У.-га да дене жаракаттарын берген, ал кийинчерээк медициналык жардамга кайрылган.
Бул окуя боюнча Кыргыз Республикасынын Кылмыш кодексинин 280-беренеси "Хулигандык" боюнча кылмыш иши козголуп, зарыл экспертизалар дайындалган.
Бишкекте бир эркек айдоочуну сабап, анын унаасынын капталдык айнектерин талкалады.
Тергөө иштеринин жүрүшүндө шектүү Т. Ш. 2006-жылы туулган экен, аны аныктап, кармашкан. Кыргыз Республикасынын Кылмыш-процессуалдык кодексинин 96-беренесинин нормаларына ылайык, ал Бишкек шаардык Ички иштер башкармалыгынын убактылуу кармоо жайына жайгаштырылды.
Тергөө уланууда.
