Зарлануучунун айтымында, 2024-жылы бул жаран ишенимди утуп, алдамчылык жолу менен 1,5 миллион сом акчасын жана $20 миңге бааланган минивэнди алып кеткен, ал эми ал кирпичтерди жеткирип берүүгө убада берген. Андан кийин алдамчы байланыштан чыгып кеткен.
Кылмышкердин аракеттеринин натыйжасында зарлануучу 2 миллион 388 миң 148 сомдук материалдык зыян тарткан.
Бул окуя боюнча Кыргыз Республикасынын Кылмыш кодексинин 209-беренеси (алдамчылык) боюнча кылмыш иши козголду.
Оперативдик иш-чаралардын жүрүшүндө укук коргоо органдарынын кызматкерлери шектүүлөрдүн жеке өздүгүн аныктоого жетишти – 1993-жылы туулган Ж.Э. жана 1992-жылы туулган А.К. Кыргыз Республикасынын Кылмыш процессуалдык кодексинин 96-беренесинин нормаларына ылайык, алар кармалып, убактылуу кармоо жайына жайгаштырылды.
Тергөө учурунда А.К.нын ушул райондо жасалган беш окшош кылмышка катыштыгы аныкталды, ошондой эле анын Чүй облусунун башка райондорунда окшош иштерге катышы текшерилип жатат.
Эгерде сиз бул адамдардын аракеттеринин курмандыгы болсоңуз, Аламедин районунун Ички иштер бөлүмүнө кайрылууну же 0554000922, 0777794909 номерлерине чалууну суранабыз.
