Текшерүүнүн натыйжасында, туристтик-экологиялык милициянын кызматкерлери 56 жаштагы Тамга айылынын тургуну Л. В.нын үйүндө тинтүү жүргүзүштү. Тинтүү учурунда жыгач кутуда жана полиэтилен пакеттеринде коноплянын мүнөздүү жыты бар жана кургатылган жалбыктарга окшош заттар табылган. Алынган заттын жалпы салмагы 3 килограмм 695 граммды түздү.
Соттук-химиялык экспертиза алынган зат марихуана экенин тастыктады.
Мындан тышкары, тинтүү учурунда 48 жаштагы Барскоон айылынын тургуну К. Р.нын үйүндө мыйзамсыз сакталган ТОЗ-8 маркасындагы ок атуучу курал табылган. Бардык фактылар боюнча Кыргыз Республикасынын Кылмыш кодексинин 310-беренеси боюнча кылмыш иши козголду.
