Милициянын маалыматына ылайык, Бишкектин эки тургуну 10-февралда Аламудун районунун ИИБине кайрылышкан. Алар 7-февралда Ленинское айылына жакын талаада белгисиз адамдардын кол салуусуна кабылып, дене жаракаттарын алып, iPhone 13 Pro Max, акча салынган барсетка жана саат уурдалып, окуя болгон жерден качып кеткенин айтып беришкен.
Бул факт боюнча Кыргыз Республикасынын Кылмыш кодексинин 206-беренеси (“Уурулук”) боюнча кылмыш иши козголгон.
Оперативдүү-издөө иш-чараларынын натыйжасында укук коргоо органдары шектүүлөрдүн жайгашкан жерин аныктап, үч шектүүнү кармашты. Алар убактылуу кармоо жайына жайгаштырылды.
Тергөөнүн жүрүшүндө уурдалган буюмдардын үчүнчү жактарга сатылганы аныкталды. Учурда алынган буюмдар заттай далилдер катары таанылды.
Соттук экспертизалар дайындалды жана зарыл тергөө иштери уланууда. Тергөө иши уланууда.
