2026-жылдын 10-февралында милицияга Ш. Ч. аттуу аял кайрылды. Ал 5-февралда саат 12:30 чамасында Ж. Боконбаев жана Ю. Абдрахманов көчөлөрүнүн кесилишинде, өзүнө тааныш эмес Б. аттуу эркек, төрт түрдүү унааны сатуу шылтоосу менен $57 миңди алып кеткенин айтты. Бирок ал өз милдеттерин аткарбай, изин жашырып кеткен.
Бул окуя боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголду.
Бишкекте алдамчылыкка шектелген адам кармалды $57 миң.
Оперативдик иш-чаралардын жүрүшүндө Свердлов районунун Ички иштер башкармалыгынын кызматкерлери шектүүнү — 1995-жылы туулган З. Б. аттуу жаранды аныктап, кармашты. Ал тергөө кызматына жеткирилди жана Кыргыз Республикасынын Кылмыш процессуалдык кодексинин 96-беренесинин нормаларына ылайык Бишкек Шаардык Ички иштер башкармалыгынын убактылуу кармоо жайына жайгаштырылды.
Тергөө уланууда.
