Маалыматка караганда, аткаруу өндүрүшүнүн катышуучулары 2020-жылдын 28-февралына карата Кара-Суй райондук сотунун соттук буйругуна негизделип, Ош шаардык бөлүмүнө алимент боюнча карызды текшерүү үчүн келишкен. Карыздын суммасы 51 737 сомду түзгөн.
Ички текшерүүнүн жыйынтыгы боюнча, ведомствонун кызматкерлери карызды текшерүү учурунда эч кандай мыйзамсыз аракеттер же конфликттик кырдаалдар катталган эмес экенин белгилешти. Процесс аяктагандан кийин бардык катышуучулар имаратты таштап кетишкен.
Службада: "Текшерүүгө байланыштуу бардык жагдайлар бөлүмдүн дубалдарынан тышкары болуп, биздин кызматкерлердин иши менен байланыштуу эмес" деп баса белгилешти.
Мындан тышкары, физикалык зомбулук көрсөтүү фактысы боюнча 11-февралда Кыргыз Республикасынын Кылмыш кодексинин 131-беренесинин 2-бөлүгүнүн 3-пунктуна ылайык кылмыш иши козголгон.
Соттук-медициналык экспертиза жабырлануучуга жеңил деңгээлдеги ден соолукка зыян келтирилгенин аныктады.
Кылмыш ишин козгоо тууралуу токтомдун көчүрмөсү Ош шаарынын прокуроруна жөнөтүлдү, иш прокуратуранын көзөмөлүндө турат.
