Мындай иш-чаралар абанын сапатын жакшыртуу жана борбордогу булгануу деңгээлин төмөндөтүү максатында үзгүлтүксүз өткөрүлүп турат.
Текшерүүнүн жыйынтыгында үч унаада чыгарылган газдардын булгануу нормалары 50% дан ашып кеткендиги аныкталды. «Коомдук укук бузуулар жөнүндө» кодексинин 234-беренесине ылайык, үч физикалык жакка протокол түзүлүп, жалпы айып пулдун суммасы 22,5 миң сомду түздү.
Бул аракеттер экологияга жана калктын саламаттыгына терс таасирин азайтууга, ошондой эле унаа ээлеринин экологиялык жоопкерчилигин жогорулатууга жана экологиялык коопсуздукту камсыздоого багытталган.
