Күдүк жаран кармалды
Бишкек милициясы укук коргоо органдарынын кызматкери болуп өзүн көрсөтүп, алдамчылык кылган күдүктү кармады. Бул тууралуу Ички иштер министрлигинин Башкы башкармалыгынан билдиришти.
2025-жылдын 12-декабрында Свердлов райондук ички иштер бөлүмүнө 1949-жылы туулган пенсионер М.О. жазуу түрүндө арыз менен кайрылган. Ал белгисиз адамдар күч структураларынын өкүлдөрү болуп көрсөтүлүп, 850 000 сом акчасын алдап алып кеткенин жана андан кийин байланышка чыкпай калганын билдирген.
Бул окуя боюнча Кыргыз Республикасынын Кылмыш кодексинин 209-беренесине ылайык кылмыш иши козголду.
Тергөө учурунда 2004-жылы туулган күдүк А.Ж. аныкталып, кармалды. Ал Ички иштер министрлигинин Башкы башкармалыгынын убактылуу кармоо жайына жайгаштырылды.
Бул иш боюнча тергөө аракеттери уланууда.
Сүрөт www
