Жалал-Абад облустук МЧС башкармалыгынан алынган маалыматка ылайык, окуя 2026-жылдын 25-февралында болгон. Өрт 423-километр автожолунда, Кызыл-Бейит аймагында катталды.
Өрттү өчүрүү үчүн Кара-Кулдан өрт өчүрүү бөлүгү окуя болгон жерге жөнөтүлдү. Маалыматтарга ылайык, саат 19:20да өрт өчүрүлгөн. Жарылуу болгон учурда кабинада эркек киши болгон, ал, тилекке каршы, кутулуп кете алган жок.
Учурда каза болгон адамдын жеке башын аныктоо боюнча иштер жүргүзүлүүдө. Окуя болгон жерде өрттүн себептерин аныктоо үчүн экспертизалар өткөрүлүүдө.
