Облус милициясынын маалыматына ылайык, 2026-жылдын 14-февралы күнү болжол менен 01:15те Ноокен районунун Ички иштер бөлүмүнө ооруканадан билдирүү келип түшкөн. Анда Кочкор-Ата шаарынан 1994-жылы туулган жарандын денесинде жаракаттар менен хирургия бөлүмүнө жаткырылганы айтылган.
Бул факт Ноокен районунун Ички иштер бөлүмүнүн тергөө кызматы тарабынан электрондук маалымат каттоосуна катталган, андан кийин текшерүү иш-чаралары башталган.
Тергөө учурунда 2026-жылдын 13-февралы күнү болжол менен 23:40та О.А. аттуу 1994-жылы туулган жаран Кочкор-Ата шаарында шуринасынын үйүндө конокто болгондугу аныкталган. Ал үйүнө кайтып келе жатканда, шуринасы Б.Б. (1992-жылы туулган) аны кууп жетип, күтүүсүздөн ашкана бычагы менен көкүрөк жана башына соккуларды урган. Мындан тышкары, кол салуучу жабырлануучунун сол кулагын тиштеп алган.
Текшерүү учурунда шектүү Б.Б. алкоголдук мас абалда болгондугу аныкталды. Окуя болгон жерден вещественное доказательство катары ашкана бычагы алынган.
Бул факт боюнча Ноокен районунун Ички иштер бөлүмүнүн тергөө кызматы тарабынан Б.Б.га карата Кылмыш кодексинин 280-беренеси (“Хулиганство”) боюнча кылмыш иши козголгон. Ноокен райондук соту шектүү боюнча үй камагына алуу чарасын белгилеген.
Учурда тергөө иш-аракеттери жүргүзүлүүдө.
