Окуя тууралуу маалымат 7-январь күнү таңкы 11лер чамасында милицияга түшкөн. Үй кызматчысы айткандай, ал өзүнүн жумуш берүүчүсүнүн денесин ок жеп өлгөн абалда тапкан. Аял, жумушка келгенде, ашканадан 1967-жылы туулган З.Х.нын өлүгүн, анын жанында пистолет менен тапканын билдирди.
Окуя болгон жерге дароо Свердлов РУВДсынын тергөө-оперативдик тобу жөнөтүлдү. Текшерүү учурунда үйдө мушташтын белгилери жок экени, ал эми жайдын тартиби сакталгандыгы аныкталды. Денесинде жаракаттар да табылган жок.
Алдын ала маалыматтар боюнча, болгон окуяны өз жанын кыйуу катары баалоого болот.
Тергөө иштеринин алкагында экспертизалар дайындалды, учурда трагедиянын бардык жагдайлары аныкталууда.
