Бул маалыматты Жалал-Абад облусунун Ички иштер башкармалыгынын басма сөз кызматы берди.
Маалыматка ылайык, Ноокен РОВДнын кызматкерлери "Арсенал" рейдинин алкагында катталган ок атуучу куралдын ээлеринин сактоо шарттарын жана зарыл уруксат документтеринин бар-жогун текшеришти.
«Текшерүүнүн натыйжасында төрт жаранга куралды сактоо эрежелерин бузгандыгы үчүн КРнын укук бузуулар кодексинин 134-беренеси боюнча протоколдор түзүлдү, бул 12 000 сом өлчөмүндө айып пулду салууга алып келди. Бир жаран мыйзамсыз сакталган куралды милицияга өз ыктыяры менен өткөрүп берди. Ошондой эле операциянын жүрүшүндө уруксат документтери жок 16-калибрдүү ок атуучу куралды аңчылык үчүн колдонгон жергиликтүү тургун Т.Ш. кармалды. Бул адам тергөө органдарына өткөрүлдү», - деп билдирет басма сөз кызматы.
Учурда тергөө иштери уланууда.
