67 жаштагы аял 3-январда Сокулук райондук Ички иштер бөлүмүнө уулунун дайыма зомбулук көрсөтүп жаткандыгы тууралуу арыз менен кайрылган. Анын айтымында, уулу алкогольдин таасиринде болуп, ага психикалык жана физикалык зомбулук көрсөтүп келген.
Анын арызынын негизинде Кыргыз Республикасынын Кылмыш-жаза кодексинин 138-беренеси ("Зомбулук") боюнча иш козголгон.
Коомдук коопсуздук органдары 45 жаштагы Ш.А. аттуу эркекти кармашты. Ал убактылуу кармоо жайына жайгаштырылды.
Учурда тергөө иштери уланууда.
